‘कान्तिपुरका अध्यक्षविरुद्धको पक्राउ पुर्जी लोकतन्त्रमाथिकै प्रहार’

पूर्वपरराष्ट्रमन्त्रीसमेत रहेका कांग्रेस सांसद एनपी साउदले सिरोहियाविरुद्ध जारी पक्राउ पुर्जी र धरपकड सह्य नहुने चेतावनी दिए । ‘हामी कान्तिपुरको साथमा छौं । यो सत्ताको आडमा तर्साउने काम हो । प्रजातान्त्रिक मूल्य मान्यतामाथि र प्रेस स्वतन्त्रतामाथिको आक्रमण हो,’ साउदले भने ।

कांग्रेस सांसद राजेन्द्र बजगाईंले ‘लोकतन्त्रका लागि लडेको कान्तिपुरमाथि आक्रमण गर्न लगाएर प्रधानमन्त्रीले के गर्न खोजेको हो ?’ भनेर प्रश्न गरे । त्यस्तै सांसद रामनाथ अधिकारीले पनि प्रधानमन्त्रीलाई प्रश्न तेर्स्याए । ‘लोकतन्त्रका लागि लडेको कान्तिपुर विरुद्दको आक्रमण गर्ने ठाउँमा तपाईं (प्रधानमन्त्री) किन पुग्नु भयो ?,’ उनको प्रश्न छ ।