नर्वे र आयरल्यान्डद्वारा प्यालेस्टाइनलाई राज्यको मान्यता
समयबद्ध सम्वाददाता
2024 May 22
नर्वेले प्यालेस्टाइनलाई एक छुट्टै राज्यको मान्यता दिएको छ । नर्वेका प्रधानमन्त्री जोनास गहर स्टोरले सो कुराको बुधबार घोषणा गरेका हुन् ।
नर्वेका विदेशमन्त्री इस्पेन बार्थ आइदीले एक्समा नर्वेले प्यालेस्टाइनलाई राज्यको मान्यता दिएको जनाएका हुन् । उनले दुई राज्यको समाधान नै इजरायल र प्यालेस्टाइनबीचको व्यवहारिक बाटो हुने उल्लेख गरेका छन् । “अहिलेको संगीन घडीमा हाम्रो मान्यता क्षेत्रीय शान्तिका लागि विस्तृत योजनामा समर्थन गर्न आएको हो,” उनले भनेका छन् ।
यस्तै, आयरल्यान्डका प्रधानमन्त्री सिमोन ह्यारिसले पनि प्यालेस्टाइनलाई राज्यको रूपमा मान्यता दिएका छन् ।
यसैगरी स्पेनका प्रधानमन्त्री पेड्रो सान्चेजले पनि प्यालेस्टाइनलाई यही मे २८ तारेखमा राज्यको मान्यता दिने बुधबार घोषणा गरेका छन् ।
उता इजरायलले भने आयरल्यान्ड र नर्वेका राजदूतलाई बोलाएर सो विषयमा छलफल गर्ने जनाएको छ । विदेशमन्त्री इजरायल कात्जले इजरायल यस्तो बेलामा चुप लाग्न नसक्ने र यसले गम्भीर परिणाम निस्कने जनाएका छन् ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया