काठमाडौंमा वर्षा सुरु, शनिबारसम्म बदली र वर्षा हुने

काठमाडौंमा पानी पर्न सुरु भएको छ । काठमाडौं उपत्यकाको दक्षिणी भू–भागबाट वर्षा सुरु भएको हो ।

“ललितपुरका केही स्थानमा छिटपुट वर्षा भइरहेको छ,” मौसमविद् रोजन लामिछानेले बाह्रखरीसँग भने, “काठमाडौं उपत्यकाका अन्य स्थानमा पनि आज वर्षा हुनेछ ।”

काठमाडौंमा छिटपुटदेखि हल्का वर्षा हुने उनको भनाइ छ । भारी वर्षाको सम्भावना नरहेको तर दिनभर बदली हुने उनको भनाइ छ । “दिउँसो पनि वर्षा हुनेछ । तर दिनभर भने वर्षा हुने छैन,” उनले भने, “दिनभर वर्षा नभए पनि बदली भने हुनेछ ।”

काठमाडौंमा आज बिहान न्यूनतम तापक्रम १९.४ डिग्री सेल्सियसम मापन भएको थियो । दिउँसो २८ देखि ३० डिग्री सेल्सियसम्म पुग्ने मौसमविद् लामिछानेले जानकारी दिए । “दिउँसो वर्षा हुँदा तापक्रम केही घट्ने सम्भावना रहेको छ,” उनले भने ।

मौसमविद् लामिछानेका अनुसार शुक्रबार र शनिबार पनि काठमाडौंमा वर्षाको सम्भावना छ । “शुक्रबार र शनिबार पनि काठमाडौंमा वर्षाको सम्भावना छ,” उनले भने, “तर आज जति धेरै वर्षा र बदली भने हुनेछैन ।”

थप समाचार

लमजुङबाट नवीकरण नभएका ११४ थान हतियार बरामद

सल्यानमा ट्याक्टर दुर्घटना, १ जनाको मृत्यु

विवादास्पद श्रीकेश आयलः सम्मानित व्यक्तित्वको दुरुपयोग र उपभोक्तामाथि ठगी

दुर्गा प्रसाईंसहित ३ जनाविरुद्द आपराधिक लाभ लिएको कसुरमा मुद्दा दर्ता

सूर्यदर्शन सहकारीको भोलि आदेश आउने सम्भावना

सिद्धबाबाको मुख्य सुरुङ खन्न अब ८ मिटर मात्रै बाँकी