भारतको जम्मुमा बस दुर्घटना हुँदा २२ जनाको मृत्यु

भारतको जम्मुमा तीर्थयात्री सवार बस दुर्घटना हुँदा २२ जनाको मृत्यु भएको छ । ६९ जना घाइते भएका छन् ।

समाचार एजेन्सी पीटीआईका अनुसार जम्मु–पुँछ राजमार्ग अन्तर्गत चोकीचोरा भन्ने स्थानमा विहीबार बस दुर्घटना भएको हो । बस करिब १५० फिट तल खसेको छ ।

भारतीय सञ्चार माध्यमहरुका अनुसार उत्तर प्रदेशको हाथरस र राजस्थानका करिब ९० जना तीर्थ यात्री बसमा थिए । उनीहरु हरियाणाको कुरुक्षेत्रबाट जम्मुकश्मीरको रियासी जिल्लातर्फ जाँदै गर्दा दुर्घटनामा परेका हुन् ।

घाइतेहरुलाई जम्मुको अखनुर अस्पतालमा र सरकारी मेडिकल कलेजमा भर्ना गरिएको छ ।

प्रधानमन्त्री नरेन्द्र मोदीले मृतकका परिवारलाई २–२ लाख रुपैयाँ र घाइतेहरुलाई ५० हजार रुपैयाँ राहत दिने घोषणा गरेका छन् ।

थप समाचार

हरितगृह ग्यास उत्सर्जन कटौती गर्ने जापानको प्रतिबद्धता

कजाखस्तानमा विमान दुर्घटना, ६७ मध्ये २५ जनाको जीवितै उद्धार

अमेरिकी एयरलाइन्सका सबै उडानहरू रद्द

नासाको अन्तरिक्ष यान सूर्यको सबैभन्दा नजिक पुग्यो

टर्कीको हतियार बनाउने कारखानामा विस्फोट, कम्तीमा १२ जनाको मृत्यु

श्रीलङ्कमा ५० जङ्गली हात्तीको मृत्यु