तीन दिनदेखि अवरुद्ध जयपृथ्वी राजमार्ग अझै खुलेन

काठमाडौं । बझाङमा पर्ने जयपृथ्वी राजमार्ग तीन दिनदेखि अवरुद्ध भएको छ । छविसपाथिभेरा गाउँपालिकाको बालुवाटार नजिकै पहिरो आउँदा सडक अवरुद्ध भएको हो । अस्ति शुक्रवारदेखि आएको पहिरोले पहाडी जिल्लाबाट कैलाली र कञ्चनपुर आउजाउ गर्ने सबै गाडी रोकिँदा यात्रु अलपत्र परेका छन् ।

पहिरो निरन्तर आइरहेकाले पन्छाएर सडक खुलाउन नसकिएको सहायक प्रमुख जिल्ला अधिकारी सत्यकुमारी जोशीले जानकारी दिइन् । उनले केदारस्यूँ गाउँपालिका र जयपृथ्वी नगरपालिकाको जेसीबी पहिरो पन्छ्याउन तयारी अवस्थामा राखे पनि पहिरो झर्ने क्रम नरोकिएकाले समस्या भएको बताइन् ।

अघिल्लो हप्ता पनि छविसपाथिभेरा गाउँपालिकाको तमैल बजार नजिकै पहिरो झर्दा दुई दिनसम्म सडक अवरुद्ध भएको थियो ।

थप समाचार

सुनकोशीस्थित फोक्सिङटारमा अस्थायी बेलिब्रिज जडान सुरु

कास्की जिल्ला अदालतमा रकम अपचलन मुद्दाका आरोपीहरुको आज पनि बयान…

सेना र प्रहरीको अस्पतालबाट आमनागरिकले सेवा पाउने

हुम्लामा हिमपात, जनजीवन प्रभावित

पश्चिम नेपालबाट मौसम बदली सुरू, चिसो बढ्न थाल्यो

हुलाक कार्यालय खोटाङका निमित्त प्रमुख आचार्य छोरासँगै मृत फेला, सँगै…