पोखरा जाँदै गरेको माइक्रोबस नुवाकोटमा दुर्घटना, १२ जना घाइते

नुवाकोट । छहरे–टोखा सडक खण्डअन्तर्गत नुवाकोटको शिवपुरी गाँउपालिका–७ मा आज माइक्रोबस दुर्घटना हुँदा १२ जना यात्रु घाइते भएका छन् । घाइतेमध्ये दुई जनाको अवस्था गम्भीर रहेको जिल्ला प्रहरी कार्यालयका प्रमुख शान्तिराज कोइरालाले जानकारी दिए ।

पृथ्वी राजमार्गमा पहिरोको कारण अवरुद्ध हुँदा माइक्रोवस काठमाडौँबाट नुवाकोट हुँदै पोखरा जाँदै गरेको थियो । माइक्रोबस अपरान्ह एक बजे अदुवारीमोडमा अनियन्त्रित हुँदा सडकबाट अन्दाजी ५० मिटर तल पुगेको हो ।

उक्त गाडीमा १८ जना सवार थिए । गम्भीर चोट लागेका दुईजना सहित घाइते सबै यात्रुलाई उपचारका लागि काठमाडौं पठाइएको छ ।

प्रहरीका अनुसार दुर्घटनास्थलमा ठूलोभीर भएपनि मौवाको रुखमा गाडी अड्किएकाले ठूलो क्षति हुनबाट जोगिएको हो ।

थप समाचार

काठमाडौंका यी स्थानमा आज विजुली कटौटी हुँदै

पुल भाँचिएर अवरुद्ध भएको नारायणगढ–बुटवल सडक सञ्चालनमा

आज ३०३ औँ पृथ्वीजयन्ती, विभिन्न कार्यक्रम गरेर मनाइँदै

विनयी खोलाको पुल भासिँदा पूर्व–पश्चिम राजमार्ग अवरुद्ध

टुँडिखेलमा दुई दिने माघी महोत्सव हुने

५ महिनामा ६ खर्बभन्दा धेरै रेमिट्यान्स भित्रियो, विदेशी मुद्रा सञ्चिति…