काठमाडौं । डडेल्धुरामा गएराति रात्रिबस दुर्घटना हुँदा चार जनाको मृत्यु भएको छ । १२ जना घाइते भएका छन् ।
डडेल्धुराको महेन्द्रनगरबाट बैतडीको पुर्चौडीको लागि छुटेको ना ८ ख १०७८ नम्बरको रात्रिबस डडेल्धुराको अमरगढी नगरपालिका–७ खस्रेखानमा सडकबाट तल पल्टिएको प्रहरीले जनाएको छ ।
डडेल्धुरा प्रहरीका अनुसार दुर्घटनामा बैतडीको पुर्चौडी नगरपालिका–३ का ४५ वर्षीया जैमती बोहरा, त्यही ठाउँकी २० वर्षीया कमला बोहरा, उहाँका नाबालक छोरा र त्यही ठाउँका २२ वर्षीय सहदेव बोहराको मृत्यु भएको हो ।
घाइतेमध्ये दुई जनालाई थप उपचारको लागि धनगढी पठाइएको र अरु घाइतेको डडेल्धुरा अस्पतालमा उपचार भइरहेको प्रहरीले जनाएको छ । चालक निदाएकाले दुर्घटना भएको हुनसक्ने प्रहरीको अनुमान छ ।
क्याटेगोरी : समाचार
थप समाचार
धेरै पढिएका
प्रतिक्रिया