इजरायली सेनाको आक्रमणमा हिजबुल्लाहका प्रवक्ताको मृत्यु

इजरायली रक्षा बल (आईडीएफ) को आक्रमणमा लेबनानी सशस्त्र सङ्गठन (हिजबुल्लाह) का प्रवक्ता मोहम्मद अफिफको मृत्यु भएको छ । लेबनानको राजधानी बेरुतमा रहेको रास अल–नबामा भएको आक्रमणमा अफिफको मृत्यु भएको बीबीसीले जनाएको छ ।

अफिफ हिजबुल्लाहका उच्च सञ्चारसम्बन्ध अधिकारी र बेरुतका धेरै पत्रकारहरूका लागि सङ्गठनको सम्पर्क व्यक्ति थिए । उनी गएको सेप्टेम्बर २७ मा मारिएका हेजबुल्लाहका पूर्वमहासचिव हसन नसरल्लाहको सञ्चार सल्लाहकारसमेत रहेका बीबीसीको खबरमा उल्लेख छ ।

यस अघि हमासका नेता लक्षित आक्रमण गरिरहेको आईडीएफले केही समयदेखि हिजबुल्लाहका शीर्ष तहका नेताहरू लक्षित आक्रमणलाई बढाएको छ । प्यालेस्टाइनी समूह हमासले इजरायलमा आक्रमण गरेयता नै इजरायलले हिजबुल्लाहविरुद्ध पनि आक्रमण गरिरहेको छ ।

लेबनानको स्वास्थ्य मन्त्रालयका अनुसार इजरायली सेनाको आक्रमणमा लेबनानमा कम्तीमा ३ हजार जनाको मृत्यु भईसकेको छ । १४ हजारभन्दा बढी घाइते भइसकेका छन् भने १३ लाख मानिस विस्थापित भएका छन् ।

थप समाचार

दक्षिण कोरियाका कार्यबाहक राष्ट्रपतिविरुद्धको महाभियोग प्रस्ताव पारित, पदबाट निलम्बित

पूर्वप्रधानमन्त्री मनमोहन सिंहको निधनपछि भारतले सात दिनको राजकीय शोक मनाउने…

दक्षिण कोरीया सरकारले नै विवाहका लागि जोडि खोजिदिने

दक्षिण कोरियाको विपक्षीद्वारा कार्यवाहक राष्ट्रपतिविरुद्ध महाअभियोग प्रस्ताव दर्ता

चीनले तिब्बतको यार्लुङ नदीमा विश्वकै विशाल बाँध बाँधेर जलविद्युत बनाउने

कजाकिस्तानमा जहाज दुर्घटना हुँदा ३८ जनाको मृत्यु