तानसेन, ५ मङ्सिर । पाल्पामा ट्रक दुर्घटना हुँदा एक जना घाइते भएका छन् । घाइते हुनेमा स्याङ्जाको गल्याङ् –८ का २४ वर्षीय सन्दिप सुनारी रहनुभएको छ ।
सिद्धार्थ राजमार्ग हुँदै बिहीबार बिहान पाल्पादेखि पोखरा जाँदै गरेको ग २ ख १००९ नम्बरको ईटा बोकेको ट्रक पाल्पाको माथागढी –१, स्थित अगाहाखोला नजिकै दुर्घटना भएको प्रहरीले जनाएको छ । घाइते ट्रक चालक सुनारीको तानसेनस्थित लुम्विनी मेडिकल कलेज प्रभासमा उपचार भइरहेको छ ।
ट्रक सडकदेखि एकसय मिटर तल खसेको जिल्ला प्रहरी कार्यालय पाल्पाका प्रहरी नायव उपरीक्षक सुनिल मल्लले जानकारी दिए । घटनाबारेमा थप अनुसन्धान भइरहेको उनले बताए । घाइते सुनारीको अवस्था मध्यम् रहेको अस्पतालले जनाएको छ ।
क्याटेगोरी : समाचार
धेरै पढिएका
प्रतिक्रिया