भैरहवा, १४ मङ्सिर । प्रधानमन्त्री केपी शर्मा ओली आज रुपन्देही आउने भएका छन्। रुपन्देहीस्थित लुम्बिनी विश्वविद्यालयको दीक्षान्त समारोहमा सहभागी हुन कुलपतिसमेत रहेका प्रधानमन्त्री ओली ११ बजे यहाँ आउने कार्यक्रम छ ।
बिहान रुपन्देहीको भैरहवा एयरपोर्ट आई लुम्बिनी जाने कार्यक्रम तय भएको विश्वविद्यालयका रजिष्ट्रार तिलक आचार्यले बताए । सो दीक्षान्त समारोहलाई सम्बोधन गरी प्रधानमत्री ओली शुक्रबार नै काठमाडौं फर्किने कार्यक्रम रहेको उनको भनाइ छ।
विश्वविद्यालयको कार्यक्रम बिहान १० बजेदेखि नै शुरु भएको आयोजक लुम्बिनी विश्वविद्यालयका पदाधिकारीहरुको भनाइ छ । दीक्षान्त समारोहमा २८९ जना विद्यार्थी दीक्षित हुने आचार्यले बताए ।
कार्यक्रममा उपप्रधानमन्त्रीद्वय विष्णुप्रसाद पौडेल, प्रकाशमान सिंह, शिक्षामन्त्री विद्या भट्टराई, मुख्यमन्त्री, ६ जना राजदूतको समेत सहभागिता रहने रजिष्ट्रार तिलक आचार्यले बताए।
क्याटेगोरी : प्रदेश खबर, राजनीति
थप समाचार
धेरै पढिएका
प्रतिक्रिया