दैलेख । दैलेखको महाबु गाउँपालिका अध्यक्षमा नेकपा एमालेका जंगबहादुर शाही निर्वाचित भएका छन् । तीन हजार एक सय २७ मत प्राप्त गरी उनी निर्वाचित भएका मुख्य निर्वाचन अधिकृत कुलप्रसाद पाण्डेले जानकारी दिए ।
उनका निकटम प्रतिद्वन्द्वी नेपाली कांग्रेसका झलकबहादुर भण्डारीले दुई हजार छ सय ७५ मत पाएका थिए । नवनिर्वाचित अध्यक्ष शाही २०७४ सालको चुनावमा एमालेको तर्फबाट अध्यक्ष पद जितेका थिए।
२०७८ सालमा एमालेबाट विभाजित भएको नेकपा एकीकृत समाजवादीमा लागेका थिए । पालिका तह उपनिर्वाचनको उम्मेदवारी दिने समयमै कात्तिक अन्तिम साता नेकपा एमालेमा प्रवेश गरी यो पदमा उम्मेदवार बनेका हुन् । उनी २०५४ सालको स्थानीय निर्वाचनमा काँशीकाँध गाविसको उपाध्यक्ष निर्वाचित भएका थिए ।
क्याटेगोरी : राजनीति
धेरै पढिएका
प्रतिक्रिया