कैलालीको मोहन्याल गाउँपालिकाका वडा सदस्यको निधन 

टीकापुर, २२ मङ्सिर । कैलालीको मोहन्याल गाउँपालिका वडा नम्बर ३ का वडाध्यक्ष नन्दाराम गिरी ‘नवीन’ को निधन भएको छ । शुक्रबार साँझ जिल्लाको बर्दगोरियास्थित दोदोधरा अस्पतालमा उनको निधन भएको हो ।

मुखको क्यान्सरबाट पीडित ४१ वर्षीय गिरीले लामो नेपाल र भारतका विभिन्न अस्पतालमा उपचार गराएका थिए । अन्तिम पटक काठमाडौंमा उपचार गराएर घरमै आराम गरिरहेका गिरी बिहीबार अस्पताल भर्ना भएका थिए ।

वि.सं २०७४ र २०७९ सालमा भएका दुईवटै स्थानीय तहको निर्वाचनमा गिरी नेपाली कांग्रेरसबाट वडाध्यक्षमा निर्वाचित भएका थिए । स्वर्गीय गिरीको अन्तिम संस्कार दशनामी परम्परा अनुसार आजै उनको गाउँ फलेविसौना हुने मोहन्याल गाउँ कार्यपालिका सदस्य तथा गिरीका छिमेकी नानी दमाईले जानकारी दिए । गिरीका दुई छोरा एक छोरी छन् ।