काठमाडौं । जलविद्युतलाई मुख्य उर्जा स्रोत बनाइरहेको इक्वेडर यतिबेला अन्धकारसँग जुधिरहेको छ । झण्डै २ करोड जनसंख्या भएको दक्षिण अमेरिकी देश इक्वेडर दैनिक १४ घण्टे लोडसेडिङ व्यहोरिरहेको हो ।
२३ सप्टेम्बरपछि सरकारले घोषणा गरेको लोडसेडिङले सिंगो मुलुकलाई अन्धकारमय बनाइदिएको छ । कमजोर विद्युत ग्रिड व्यवस्थापनका कारण विद्युत कटौती बढेको अधिकारीहरुले बताएका छन् ।
सुख्खाका कारण जलविद्युत उत्पादनसँग जोडिएका नदीहरु सुक्दै गएका र त्यसको मार विद्युत उत्पादनमा परेको बताइएको छ । सुरुमा वितरणको ग्याप मिलाउनका लागि सुरु गरिएको विद्युत कटौती लगातार तेस्रो महिना पनि बढाइएको छ । र, जसले कयौं इक्वेडरवासीको जीवन अस्तव्यस्त भएको छ ।
सार्वजनिक रुपमै सडक प्रदर्शन हुन थालेपछि राष्ट्रपति ड्याडियल नोबोआले शुक्रबारदेखि अधिकांश ठाउँमा लोडसेडिङ हट्ने आश्वासन दिएका छन् । यद्यपि, उद्योग क्षेत्रको विद्युत् कटौती वर्षको अन्त्यसम्म रहने सरकारी अधिकारीहरुले बताएका छन् ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया