अमेरिकाको लस एन्जलसको जङ्गलमा लागेको आगो तिव्र हावाका कारण अझै फैलिन सक्ने देखिएको छ ।
आगजनी पूर्वानुमानकर्ताहरूले आजदेखि आगो अझै तीव्र गतिमा फैलिएर थप क्षति गर्न सक्ने भन्दै सावधानी अपनाउन चेतावनी दिएको बीबीसीले जनाएको छ ।
लस एन्जलसको जङ्गलमा लागेको आगो पालिसेड्स, ईटन, हर्स्ट, वुड्ली हुँदै हलिवुड हिल्ससम्म पुगेको छ । आगजनीसम्बन्धी प्राविधिक अधिकारीहरुले तीव्र रुपमा फैलिएर नियन्त्रण बाहिर गएको आगलागीलाई विनाशकारी डढेलो भनेका छन् ।
आगलागीले ठूलो मानवीय क्षति भएको अनुमान रहे पनि अहिलेसम्म पाँच जना मृत्यु भएको पुष्टि भएको छ ।
आगलागीका कारण १८ लाखभन्दा धेरै मानिसहरु प्रभावित भएका र हजारौँ संरचना ध्वस्त भएका अधिकारीहरुले जनाएका छन् । आगलागीको घटनाबारे अनुसन्धानसँगै नियन्त्रण गर्ने प्रयास पनि भइरहेको छ ।
लस एन्जलस अग्नि नियन्त्रक प्रमुख एन्थोनी मरोनले डढेलोको कारण पत्ता लगाउन अनुसन्धान भइरहेको र यसको कारण मानवीय गतिविधिले जङ्गलमा आगजनी भएको पाइएमा हरेक मृत्युलाई हत्या मानिने बताएका छन् ।
यसैबीच आगलागीबाट जोगिन सुरक्षित क्षेत्रमा स्थानान्तरण हुने क्रममा केही घरहरुमा लुटपाट भएको छ । लुटपाटको आरोपमा २० जनालाई पक्राउ गरिएको खबरमा उल्लेख छ ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया