ब्राउन सुगरसहित दुईजना भारतीय तस्कर पक्राउ
नरेंद्र कुमार गुप्ता
2025 January 15
दिघलबैंक (बिहार, भारत)। भारत नेपाल सिमामा नशालु पदार्थ ब्राउन सुगरसहित दुईजना भारतीय तस्कर पक्राउ परेका छन् । पक्राउ पर्नेमा बनवारी, उत्तर दिनाजपुर, पश्चिम बंगाल स्थायी घर भएका इजाबुल हक र अनवर आलम रहेका छन् । उनिहरूलाइ सिमा सुरक्षामा खटिएका भारतीय सशस्त्र सिमा वल (एसएसबी) १२ औं वाहिनीको एफ कम्पनी दिघलबैैंकले १०२.२३ ग्राम ब्राउन सुगरसहित पक्राउ गरेको हो ।
भारतबाट नेपाल तर्फ लैजाने तयारी गरिरहेका उनिहरूलाई असिस्टेन्ट कमान्डेट मनोज कुमारलाई आएको गोप्य सूचनाका आधारमा पक्राउ गरिएको हो । बरामद ब्राउन सुगर दिघलबैंक प्रहरी थानालाई जिम्मा लगाइएको छ ।
पक्राउ गर्ने टोलीमा एसएसबी इन्स्पेक्टर राजेश सिंह, दिघलबैंक थानाका एसआई सुधा कुमारीसहित पुलिस बल र एसएसबी जवानहरू सामेल थिए ।
क्याटेगोरी : समाचार
थप समाचार
धेरै पढिएका
प्रतिक्रिया