नवनिर्वाचित राष्ट्रपति डोनाल्ड ट्रम्प पदभार ग्रहण गरेपछि चीन भ्रमण गर्न इच्छुक

वासिङ्टन, ६ माघ । अमेरिकाका नवनिर्वाचित राष्ट्रपति डोनाल्ड ट्रम्पले पदभार ग्रहण गरेपछि चीन भ्रमण गर्न इच्छुक रहेको आफ्ना सल्लाहकारहरुलाई बताएका छन् ।ट्रम्पले आफ्नो कार्यकालको पहिलो १०० दिनमा चीन भ्रमण गर्ने इच्छा व्यक्त गरेका छन् तर यस विषयमा अहिलेसम्म कुनै निर्णय नभएको स्रोतलाई उद्धृत गर्दै द वाल स्ट्रीट जर्नलको समाचारमा उल्लेख छ ।

ट्रम्पले सोमबार दोस्रो कार्यकालका लागि शपथ लिनेछन् । उनले पहिलो चार वर्षे कार्यकालको एक वर्ष नपुग्दै सन् २०१७ मा बेइजिङको भ्रमण गरेका थिए ।

चिनियाँ विदेश मन्त्रालयका प्रवक्ताले अमेरिकी पक्षको निमन्त्रणामा चिनियाँ राष्ट्रपति सी चिनफिङका विशेष प्रतिनिधि उपराष्ट्रपति हान झेङ जनवरी २० मा वासिङ्टन डीसीमा हुने ट्रम्पको उद्घाटन समारोहमा सहभागी हुने घोषणा गरेका छन् भने शुक्रबार सीले ट्रम्पसँग फोनवार्ता गरेका थिए । रासस, सिन्ह्वा

थप समाचार

युक्रेनसँग प्रत्यक्ष वार्ता गर्न पुटिन तयार

न्युजिल्यान्डको मस्यौदा कानुनले पुरुष, महिलाको ‘जैविक’ परिभाषा खोज्ने

विनाशकारी भूकम्पपछि म्यानमारमा घोषणा गरिएको युद्धविराम समाप्त

अमेरिकासँग व्यापार सम्झौता गर्ने देशहरूलाई चीनको चेतावनी

क्याथोलिक क्रिस्चियनका धर्मगुरु पोप फ्रान्सिस्कोको निधन

सिरियाबाट आफ्ना एक हजार सैनिक फिर्ता गर्ने अमेरिकाको घोषणा