काठमाडौं। त्रिभुवन अन्तर्राष्ट्रिय विमानस्थलबाट अवैध सुनसहित प्रहरीले दुई जनालाई पक्राउ गरेको छ ।
पक्राउ पर्नेहरुमा अष्ट्रेलियन नागरिक ३९ वर्षीय चन्द्र कुमार पराजुली र पर्वत मोदी गाउँपालिका–७ घर भएका ४० वर्षीय प्रमोद शर्मा रहेका छन् ।
११ ग्राम ६ सय ६० मिलिग्राम सुनसहित प्रहरीले उनीहरुलाई प्रहरीले पक्राउ गरेको हो ।
मलेसियन एयरलाइन्सको उडानबाट काठमाडौं आएका चन्द्र कुमारबाट प्रमोदले विमानस्थलको आगमन अध्यागमन क्षेत्रको शौचालय भित्रबाट उक्त सुन संकलन गर्न लागेका थिए ।
औंठीको रुपमा आएको उक्त सुन भन्सार टली गरेर लैजान लागेको थाहा पाएपछि दुवै जनालाई पक्राउ गरिएको प्रहरीको भनाइ छ ।
उनीहरूलाई आवश्यक अनुसन्धान एवम् कारवाहीको लागि विमानस्थल भन्सार कार्यालय गौचर पठाइएको छ ।
क्याटेगोरी : समाचार
थप समाचार
धेरै पढिएका
प्रतिक्रिया