काठमाडौँ । युरोपेली केन्द्रीय बैंक (ईसीबी) ले बिहीबार प्रमुख ब्याजदरमा २५ प्रतिशत अंकले कटौती गर्ने निर्णय गरेको छ ।
ब्याजदर कटौतीपछि निक्षेप सुविधा, मुख्य पुनर्कर्जा सञ्चालन र सीमान्त कर्जा सुविधाको ब्याजदर घटाएर क्रमशः २.७५ प्रतिशत, २.९ प्रतिशत र ३.१५ प्रतिशतमा झार्ने ईसीबीले जनाएको छ ।
मुद्रास्फीतिको दृष्टिकोणको अद्यावधिक मूल्यांकन, अन्तर्निहित मुद्रास्फीतिको गतिशीलता र मौद्रिक नीति प्रसारणको शक्तिमा आधारित रहेर ब्याजदर घटाउने निर्णय भएको अन्तर्राष्ट्रिय सञ्चार माध्यमहरूले जनाएका छन् ।
मुद्रास्फीतिलाई दिगो रूपमा मध्यम स्तर अर्थात् २ प्रतिशतमा ल्याई आफ्नो जिम्मेवारीलाई पछ्याउन कटिबद्ध रहेकोमा जोड दिँदै ईसीबीले आफ्नो भविष्यको मौद्रिक नीतिहरू निर्धारण गर्न आफ्नो तथ्यांक र बैठकको समीक्षा र दृष्टिकोणमा अडिग रहने कुरामा जोड दिएको छ ।
बैंकद्वारा जारी विज्ञप्तिमा भनिए अनुसार यूरोपेली अर्थतन्त्रले अझै पनि संकटको सामना गरिरहेको छ । तर बढ्दो वास्तविक आय र प्रतिबन्धात्मक मौद्रिक नीतिको क्रमशः लोप हुँदै गएको प्रभावले समयको साथ माग वृद्धिलाई सहयोग गर्नेछ ।
क्याटेगोरी : अन्तर्राष्ट्रिय, अर्थ
थप समाचार
धेरै पढिएका
प्रतिक्रिया