नेपाली कांग्रेस भीमदत्त नगर कार्यसमितिका सभापति अच्युत कलौनी सडकमा मृत फेला

कञ्चनपुर, १९ माघ । कञ्चनपुरमा नेपाली कांग्रेस भीमदत्त नगर कार्यसमितिका सभापति अच्युत कलौनी मृत फेला परेका छन्।

शनिबार बिहान भीमदत्त नगरपालिका १८ मामाभान्जा चोकनजिक कलौनीको शव फेला परेको हो। जिल्ला प्रहरी कार्यालय कञ्चनपुरका डीएसपी उमेश जोशीका अनुसार सडकपेटीमा घोप्टो परेको अवस्थामा कलौनीको शव भेटिएको हो।

अहिले घटनास्थलमा प्रहरी पुगेको छ। घटनास्थललाई सिल गरिएको छ। चिकित्सकसहित टोली मगाइएको प्रहरीले जनाएको छ। मृत्युको कारण खुलेको छैन। नेपाल विद्यार्थी संघको राजनीतिबाट कांग्रेसको मूल राजनीतिमा आएका कलौनी हाल भीमदत्त नगर कार्यसमितिको सभापति थिए।

नेपाल विद्यार्थी संघको केन्द्रीय सहमहामन्त्रीसमेत भइसकेका उनी महेन्द्रनगरको बैजनाथ माध्यमिक विद्यालयको व्यवस्थापन समितिको अध्यक्ष थिए।

थप समाचार

फिदिमको अलैचीबारीमा भेटियो बिर्तामोडका गोबिन्दप्रसाद सिटौलाको शव

विवाहको न्यूनतम उमेर २० वर्ष नै कायम गर्न आग्रह

अछामको जंगलमा दुई किशोरी मृत्यु प्रकरण : यौन प्रस्ताव अस्वीकार…

माघ १९ अर्थात आजको दिनलाई ‘कालो दिन’का रुपमा स्मरण गरिँदै

सुन जस्तो देखिने धातु अष्ट्रेलियन नागरिकसहित दुई जना पक्राउ

आशिका तामाङलाई २० हजार धरौटीमा रिहा गर्न आदेश