काठमाडौं, २३ फागुन । नेपाल माइक्रो इन्स्योरेन्सको प्राथमिक सेयर (आईपीओ) बाँडफाँट गरिएको छ । शुक्रबार (फागुन २३ गतें) बिहान कम्पनीको आईपीओ बाँडफाँट गरिएको हो ।
कम्पनीले सर्वसाधारणका निम्ति प्रतिकित्ता १०० रुपैयाँअंकित मूल्यका १८ लाख ४५ हजार कित्ता सेयर निष्कासन गरेको थियो । १८ लाख १७ हजार १४८ जनाले दुई करोड २४ लाख ४६ हजार ३५० कित्ता सेयरका निम्ति आवेदन दिएका थिए । तीमध्ये १० हजार ३८६ आवेदन रद्द भएको थियो ।
१८ लाख ६ हजार ७६२ आवेदन मात्र स्वीकृत भएको कम्पनीको सेयर निष्कासन तथा बिक्री प्रबन्धक एनआईएमबी एस क्यापिटल लिमिटेडले जानकारी गराएको छ । मागभन्दा बढी आवेदन परेकाले गोलाप्रथा प्रक्रियामार्फत कम्पनीको सेयर बाँडफाँट गरिएको छ । एक लाख ८४ हजार ५०० आवेदकले १० कित्ताका दरले यो सेयर प्राप्त गरेका छन् ।
कम्पनीले न्यूनतम १० देखि अधिकतम १० हजार कित्ताका निम्ति आवेदन माग गरेको थियो । लगानीकर्ताले बिक्री प्रबन्धकको वेबसाइट एनआईएमबि एस क्यापिटल र मेरोसेयरबाट नतिजा हेर्न सक्नेछन् । यस्तै, सीडीएस एन्ड क्लियरिङको वेबसाइटबाट पनि रिजल्ट हेर्न सकिने जनाइएको छ ।
क्याटेगोरी : अर्थ
धेरै पढिएका
प्रतिक्रिया