जर्मनीले आफ्नो श्रमशक्ति सन्तुलित राख्नका लागि प्रत्येक वर्ष हजारौं, लाखौं आप्रवासीलाई आकर्षित गर्नुपर्ने आवश्यकता रहेको एक रिपोर्टले देखाएको छ । यो अध्ययन बर्टेल्सम्यान स्टिफ्टुङद्वारा मंगलबार सार्वजनिक गरिएको हो । जसमा जनसांख्यिकीय परिवर्तनका कारण आर्थिक प्रणालीमा पर्ने असरलाई मध्यनजर गर्दै आप्रवासनको महत्त्वपूर्ण भूमिकालाई रेखांकित गरिएको छ ।
रिपोर्टका अनुसार, जर्मनीलाई २०४० सम्म स्थिर श्रमशक्ति कायम राख्नका लागि प्रत्येक वर्ष औसतमा दुई लाख ८८ हजार आप्रवासी कामदारको आवश्यकता पर्नेछ । यदि घरेलु श्रमिक विशेषगरी महिलाहरू र वृद्ध श्रमिकहरूका लागि सुधार नगरेमा, वार्षिक आवश्यकता तीन लाख ६८ हजार आप्रवासीसम्म पुग्न सक्नेछ ।
यो माग सन् २००० को दशकको शुरुवातको औसत वार्षिक आप्रवासी आगमनको तुलनामा धेरै बढी छ ।
क्याटेगोरी : अन्तर्वार्ता, अर्थ
धेरै पढिएका
प्रतिक्रिया