काठमाडौं । हप्ताको पहिलो दिन शेयर बजार झण्डै ४६ अङ्कले घटेर राताम्मे भएको छ । सरकार ढल्ने हल्लाले आजको बजार घटाएको जानकारहरु बताउँछन् । यससँगै अमेरिकी उपविदेशमन्त्री डोलाल्डलुले देउवा र प्रण्चण्ड भेटेको साथै प्रधानमन्त्रीलाई नभेटेको विषयलाई समेत सरकार ढल्ने प्रसंगसँगै जोडेर हेरिएको छ । शेयर बजार परिसूचक नेप्स आज ४५ दशमलव ९३ अङ्कले घटेर दुई हजार छ सय ८९ विन्दुमा झरेको हो ।
आज सबै समूहको शेयर घटेको छ । मानुषी लघुवित्त, लाइफ इन्सुरेन्स कर्पोरेशन नेपाल, जोशी हाइड्रोपावर र सामुदायिक लघुवित्तको शेयर १० प्रतिशतले घटेको छ । समग्रमा बजार राताम्मे भएको दिन आज खानीखोला हाइड्रोपावर कम्पनीको शेयर भने १० प्रतिशतले बढेको छ ।
आज एक करोड ७३ लाख ९२ हजार कित्ता शेयर सात अर्ब ४६ करोड रुपैयाँको शेयर कारोबार भएको छ । सबैभन्दा धेरै एनआरएन इन्फ्रास्ट्रक्चर एन्ड डेभलपमेन्ट लिमिटेडको ३२ करोड ६४ लाख रुपैयाँको शेयर किनबेच भएको छ ।
क्याटेगोरी : अर्थ
धेरै पढिएका
प्रतिक्रिया