चिनियाँ एआई मोडेलको प्रवेशले ३ प्रतिशतले घट्यो अमेरिकी शेयर बजार, ट्रम्पले हस्तक्षेप गर्न सक्ने अडकलबाजी
सोमबारको गिरावटले एनभिडियाको बजार पूँजीकरण ५९३ अर्ब डलरले घटेर २.९० ट्रिलियन डलरमा झरेको छ। चीनको आर्टिफिसियल इन्टेलिजेन्स (एआई) मोडेल डीपसिकको प्रवेशपछि सोमबार अमेरिकी टेक कम्पनी एनभिडियाको शेयर १७ प्रतिशतले घट्यो। कम्पनीको शेयर २४.२ अंकले घटेर ११८.४२ मा बन्द भयो।
एनभिडियाको बजार पूँजीकरण पनि ५९३ अर्ब डलरले घटेर २.९० ट्रिलियन डलर पुगेको छ। सोमबार दोहोरो अंकको गिरावट देखिएको ८ वटा प्राविधिक क्षेत्रको स्टकमध्ये यो पनि एक थियो।
एनभिडियाको शेयरमा आएको गिरावटको प्रभाव अमेरिकी स्टक इन्डेक्स नास्डाकमा पनि देखियो। सोमबार यो ३.०७५ ले घट्यो र नास्डाक ६१२.४७ अंकले घटेर १९,३४१.८३ मा पुग्यो।
अर्को अमेरिकी सूचकांश एस एन्ड पी ५०० को प्राविधिक क्षेत्र ५.६प्रतिशतले घट्यो। यो सेप्टेम्बर २०२० पछि सूचकांकमा सबैभन्दा ठूलो गिरावट हो।
यो घटनापछि अमेरिकी राष्ट्रपति ट्रम्पले अमेरिकी कम्पनीहरूलाई सतर्क रहन आग्रह गरेका छन्। साथै, चीनबाट एडभान्स सेमि कन्डक्टर निर्यातमा प्रतिबन्ध लगाउने कुरा पनि उठेको छ।
२०.८ अर्ब डलरले घट्यो एनभिडियाका सीइओको पोर्टफोलियो
एनभिडियाका सीईओको सम्पत्ति १ दिनमा २०.८ अर्ब डलरले घटेको छ । शेयरमा आएको गिरावटका कारण एनभिडियाका सीईओ जेन्सेन हुआङलाई २०.८ अर्ब अमेरिकी डलरको घाटा भएको छ।
फोब्र्सका अनुसार, हुआङको सम्पत्ति १२४.४ अर्ब अमेरिकी डलरबाट घटेर १०३.७ अर्ब अमेरिकी डलर पुगेको छ। उनी रियल टाइम अर्बपतिहरूको सूचीमा १० औं स्थानबाट १७ औं स्थानमा झरेका छन्।
ट्रम्पले चिनियाँ कम्पनीबाट सावधान रहन आग्रह
सोमबार अमेरिकी बजारमा भएको विकासक्रमपछि, राष्ट्रपति डोनाल्ड ट्रम्पले फ्लोरिडामा रिपब्लिकन कांग्रेसको कार्यक्रममा भने कि डिपसिक एआई हाम्रो उद्योगको लागि चेतावनी हो। यो लडाई जित्नको लागि हामीले यसमा पूर्ण ध्यान केन्द्रित गर्नुपर्नेछ। यद्यपि ट्रम्पले यो पनि भने कि यो झट्का सिलिकन भ्यालीको लागि पनि सकारात्मक हुन सक्छ किनकि यो घटनाले यसलाई कम लागतमा नवप्रवर्तन गर्न बाध्य पार्नेछ।
चीनमा सेमिकन्डक्टर प्रविधि निर्यातमा प्रतिबन्ध
सोमबारको घटनाक्रमपछि अमेरिकाले चीनलाई सेमि कन्डक्टर प्रविधि आपूर्ति गर्न प्रतिबन्ध लगाएको छ। यसमा थप सावधानी अपनाउँदै, अमेरिकाले एनभिडियाको उन्नत एआई चिप्स अन्य देशमा बिक्री गर्दा समेत निगरानी गर्न थालिएको छ ।
अमेरिकी कम्पनी भन्दा धेरै सस्तो छ चिनियाँ एआई
दोस्रो ठूलो कारण भनेको डिपसीक पूर्ण रूपमा निःशुल्क र ओपन सोर्स एआई मोडेल हो। यसबाहेक, चीनको मोडेल धेरै कम लागतमा तयार पारिएको छ, जबकि एनभिडिया, माइक्रोसफ्ट र मेटा जस्ता अमेरिकी कम्पनीहरूले ठूलो लगानी गरेर एआई मोडेलहरू विकास गरेका छन्। केही रिपोर्टहरूले दाबी गरेका छन् कि डीपसिक कम्पनीले आफ्नो एआई मोडेल केवल ४८.४५ करोड भारुमा विकास गरेको थियो।
एपस्टोरमा च्याट जिपीटीलाई उछिन्यो डीपसीकले
चीनको डीपसिक एआईले कोडिङ र गणित जस्ता जटिल कार्यहरूमा अत्यधिक सटीक नतिजा दिइरहेको छ। यो अमेरिका र बेलायतमा एप्पल एप स्टोरबाट डाउनलोड गर्ने सन्दर्भमा पहिलो स्थानमा छ। यसले दुबै ठाउँमा ओपनएआईको च्याटजीपीटीलाई हराएको छ।
क्याटेगोरी : अन्तर्राष्ट्रिय, अर्थ
थप समाचार
धेरै पढिएका
प्रतिक्रिया