सहकारीको रकम हिनामिना गरेको आरोपमा जिल्ला समन्वय समिति म्याम्दीका प्रमुख राजकुमार थापा पक्राउ
म्याग्दी, २० माघ । जिल्ला समन्वय समिति म्याम्दीका प्रमुख राजकुमार थापा पक्राउ परेका छन् । सहकारीको रकम हिनामिना गरेको आरोपमा प्रमुख थापालाई आइतबार जिल्ला प्रहरी कार्यालय म्याग्दीले पक्राउ गरेको हो ।
सदरमुकाम बेनीमा रहेको कुमारी बहुउद्देश्यीय सहकारी संस्थाको रकम हिनामिना गरेको उजुरीका आधारमा अनुसन्धानका लागि पक्राउ गरिएको जिल्ला प्रहरी कार्यालयका सूचना अधिकारी तथा प्रहरी निरीक्षक सागर पौडेलले जानकारी दिए ।
थापासहितको समूहले सहकारीको रकम हिनामिना गरेको आरोप लागेको छ । थापालाई पक्राउ गरी थप अनुसन्धान सुरु गरिएको प्रहरी निरीक्षक पौडेलले बताए ।
सहकारी रजिष्ट्रारको कार्यालय पोखराले एक वर्षअघि गरेको छानविन प्रतिवेदनमा थापाको समूहले सहकारीको करिब डेढ अर्ब रुपियाँ हिनामिना भएको उल्लेख छ । सहकारीमा रहेको सर्वसाधारणको बचत रकम तत्कालीन सहकारीका सञ्चालकहरुले ढुकुटी खेलाउने, निजी स्कुल र घरजग्गामा लगाउनेजस्ता व्यक्तिगत स्वार्थमा प्रयोग गरेको प्रतिवेदनमा उल्लेख छ ।
थापा सहकारीको पूर्व सञ्चालक समितिको उपाध्यक्ष समेत हुन् । २०७९ साल माघ २८ गते सहकारीका अध्यक्ष यमबहादुर रोकाले सहकारी रजिष्ट्रारको कार्यालयमा लिखित निवेदन दिएर सहकारी रकम छानविनका लागि माग गरेका थिए ।
क्याटेगोरी : अर्थ, जनमञ्च
थप समाचार
धेरै पढिएका
प्रतिक्रिया