कृषि विकास बैंक संचालक समितिको संचालक सदस्यमा सेवन्तक पोखरेल नियुक्त भएका छन्। नेपाल सरकार (माननीय उप–प्रधान तथा अर्थ मन्त्रीस्तर)को निर्णयानुसार पोखरेल संचालक सदस्यमा मनोनित भएका हुन् ।
नवनियूक्त संचालक सदस्य सरकारी सेवाको लामो अनुभव हुनुका साथै हाल अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखाको सहसचिव पदमा कार्यरत रहेका छन् । बैंक तथा वित्तीय संस्था सम्बन्धी ऐन अनुसार नवनियूक्त संचालक सदस्य सेवन्तक पोखरेललाई बैंक संचालक समितिका अध्यक्ष रामशरण पुडासैनीले सपथ ग्रहण गराएका थिए ।
उक्त अवसरमा कृषि विकास बैंक लि।का संचालक सदस्यहरु डा. हरि बहादुर के.सी, गोविन्द प्रसाद भट्टराई संजिव पौडेल, विनोद कुमार गुरांगाई, रीता सुवेदी कृषि विकास बैंकका प्रमुख कार्यकारी अधिकृत गोविन्द गुरुङ , बैंकका कम्पनी सचिव हिमलाल पौडेल समेतको उपस्थिती रहेको थियो ।
क्याटेगोरी : अर्थ
धेरै पढिएका
प्रतिक्रिया