कङ्गोमा जेल तोडेर भाग्ने क्रममा १ सय २९ जनाको मृत्यु

गणतन्त्र कङ्गोको सबैभन्दा ठूलो जेल तोड्ने प्रयासमा कम्तीमा एक सय २९ जनाको मृत्यु भएको छ । ५५ जनाभन्दा धेरै घाइते भएका कङ्गोका आन्तरिक मन्त्री ज्याक्वेमेन शाबानीलाई उद्धृत गर्दै समाचार संस्था एएफपीले जनाएको छ । जेल तोड्ने प्रयासलाई रोक्न नसकेपछि गोली चलाउनुपरेको उनले बताएका छन् ।

धेरै मानिसहरू भीडभाडमा कुल्चिएर पनि मारिएका तथा घाइते भएका मन्त्रालयको भनाइ छ । कतिपय महिलाहरू बलात्कृतसमेत भएका मन्त्री शाबानीले बताएका छन् ।

जेल परिसरमा हिजो लामो समयसम्म गोली चलेको छ । कङ्गो सरकारका प्रवक्ता प्याट्रिक मुयायाले राष्ट्रिय टेलिभिजनलाई अहिले स्थिति नियन्त्रणमा रहेको बताएका छन् । कङ्गो सरकारले जेल तोड्ने प्रयास किन भयो र कति कैदीबन्दी भागे भन्नेबारेमा केही खुलाएको छैन ।

थप समाचार

चीनले तिब्बतको यार्लुङ नदीमा विश्वकै विशाल बाँध बाँधेर जलविद्युत बनाउने

कजाकिस्तानमा जहाज दुर्घटना हुँदा ३८ जनाको मृत्यु

जापान एयरलाइन्सले गर्यो साइबर आक्रमणको रिपोर्ट

रुसद्वारा युक्रेनको ऊर्जा पूर्वाधारलाई लक्षित गर्दै व्यापक मिसाइल र ड्रोन…

हरितगृह ग्यास उत्सर्जन कटौती गर्ने जापानको प्रतिबद्धता

कजाखस्तानमा विमान दुर्घटना, ६७ मध्ये २५ जनाको जीवितै उद्धार