दक्षिण कोरियामा एक शताब्दीपछिकै बाक्लो हिमपात

दक्षिण कोरियाको राजधानी सियोलसहितका क्षेत्रमा एक शताब्दीपछिकै बाक्लो हिमपात भइरहेको छ । सियोलमा नोभेम्बरमा सन् १९०७ पछिकै बाक्लो हिमपात भएको बीबीसीले जनाएको छ ।

राजधानीका केही भागमा ४० सेन्टिमिटरसम्म हिउँ जम्मा भएको गृह मन्त्रालयले जनाएको छ । हिजो बुधवार निकै बाक्लो हिउँ परेकोमा आज बिहानैदेखि थप हिमपात शुरू भएको खबरमा उल्लेख छ ।

हिमपातका कारण घर भत्किएर र चिप्लिएर तीन जनाको ज्यान गएको छ । हिजो र आज गरी दुई सय ५० वटा हवाई उडान स्थगित भएका छन् । राजधानी सियोलका धेरै सडक बन्द भएका छन् । कयौं ठाउँमा विद्युत् विच्छेद भएको छ ।

सडक र अत्यावश्यक क्षेत्रबाट हिउँ हटाउन सरकारले ११ हजार जना कर्मचारी र २० हजार वटा उपकरण खटाएको छ । आज रातिदेखि हिमपात रोकिने मौसम पूर्वानुमान महाशाखाले जनाएको छ ।

थप समाचार

हरितगृह ग्यास उत्सर्जन कटौती गर्ने जापानको प्रतिबद्धता

कजाखस्तानमा विमान दुर्घटना, ६७ मध्ये २५ जनाको जीवितै उद्धार

अमेरिकी एयरलाइन्सका सबै उडानहरू रद्द

नासाको अन्तरिक्ष यान सूर्यको सबैभन्दा नजिक पुग्यो

टर्कीको हतियार बनाउने कारखानामा विस्फोट, कम्तीमा १२ जनाको मृत्यु

श्रीलङ्कमा ५० जङ्गली हात्तीको मृत्यु