रुसको राजधानी मस्कोमा भएको विस्फोटमा रुसी सेनाका जनरल तहका एक सैन्य अधिकारीसहित दुई जनाको मृत्यु भएको छ ।
विस्फोटमा रुसको विकिरण, रासायनिक तथा जैविक संरक्षण सेनाका प्रमुख लेफ्टिनेन्ट जनरल इगोर किरिलोभ र उनका सहकर्मीको मृत्यु भएको बीबीसीले जनाएको छ । रुसी अनुसन्धान समितिका प्रवक्ता स्वेतलाना पेट्रेन्कोले विद्युतीय स्कुटरमा राखिएको उपकरण पड्किएको बताएका खबरमा उल्लेख छ ।
अक्टोबरमा बेलायतले युक्रेनविरुद्धको युद्धमा रासायनिक हतियारको प्रयोगलाई बेवास्ता गरेको भन्दै जनरल किरिलोभमाथि प्रतिबन्ध लगाएको थियो ।
यसैबीच युक्रेनले रुसी सेनाका जनरल इगोर किरिलोभाको हत्या गरेको दाबी गरेको छ । युक्रेनी सञ्चारमाध्यमले पनि लेफ्टिनेन्ट जनरल किरिलोभलाई युक्रेनी सुरक्षा सेवाले मारेको जानकारी दिएका खबरमा उल्लेख छ ।
रुसले किरिलोभको हत्यालाई ‘आतङ्कवादी कार्य’ भनेर टिप्पणी गरेको छ । रुसी अधिकारीहरूले किरिलोभको हत्याका लागि पश्चिमा देशलाई दोष दिएका छन् ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया