एक महिनापछि सिरियाको दमास्कसबाट आज पहिलो पटक अन्तर्राष्ट्रिय व्यावसायिक उडान

विद्रोहीले सत्ता कब्जा गरेको एक महिनापछि सिरियाबाट पहिलो पटक अन्तर्राष्ट्रिय व्यावसायिक उडान भएको छ ।

गएको डिसेम्बर ८ तारिखमा विद्रोहीले सत्ता कब्जा गरेपछि सिरियाबाट एक महिनासम्म कुनै पनि व्यावसायिक उडान हुन सकेका थिएनन् । आज सिरियन एअरलाइन्सको जहाजले यूएईको शारजाहका लागि उडान भरेको समाचार संस्था एएफपीले जनाएको छ ।

दमास्कस विमानस्थलका निर्देशक एनिस फलोहले आज नयाँ शुरुआत भएको बताउँदै आजदेखि देशबाहिर जाने विमानको बिदाइ र देशभित्र आउनेलाई स्वागत गर्न थालेको उल्लेख गरेका छन् ।

सिरियामा यसअघि अन्तर्राष्ट्रिय सहायताका र विदेशी कूटनीतिक प्रतिनिधिमण्डलहरूका विमान अवतरण गरे पनि सर्वसाधारण बोक्ने विमानको उडान ठप्प थियो । अब अलेप्पो, होम्स लगायतका अन्तर्राष्ट्रिय विमानस्थल सञ्चालनको तयारी भइरहेको खबरमा उल्लेख छ ।

थप समाचार

अमेरिकाको लस एन्जलसमा फैलिएको आगो नियन्त्रणबाहिर

इमरान खानलाई सरकारले नजरबन्दको प्रस्ताव राखेको बहिनी अलिमाको दाबी

तिब्बत क्षेत्रमा मङ्गलबार आएको विनाशकारी भूकम्पमा कम्तीमा १२६ जनाको मृत्यु,…

इरानमा एकै वर्ष ९०० भन्दा बढी मानिसलाई मृत्युदण्ड

लस एन्जलिसको डढेलो तीव्र गतिमा फैलिँदै, हजारौँ मानिस घर छाडेर…

भूकम्पपछि राष्ट्रपति सि जिनपिङद्वारा सबै प्रकारका उद्धारको प्रयास गर्न निर्देशन