नवनिर्वाचित राष्ट्रपति डोनाल्ड ट्रम्प पदभार ग्रहण गरेपछि चीन भ्रमण गर्न इच्छुक

वासिङ्टन, ६ माघ । अमेरिकाका नवनिर्वाचित राष्ट्रपति डोनाल्ड ट्रम्पले पदभार ग्रहण गरेपछि चीन भ्रमण गर्न इच्छुक रहेको आफ्ना सल्लाहकारहरुलाई बताएका छन् ।ट्रम्पले आफ्नो कार्यकालको पहिलो १०० दिनमा चीन भ्रमण गर्ने इच्छा व्यक्त गरेका छन् तर यस विषयमा अहिलेसम्म कुनै निर्णय नभएको स्रोतलाई उद्धृत गर्दै द वाल स्ट्रीट जर्नलको समाचारमा उल्लेख छ ।

ट्रम्पले सोमबार दोस्रो कार्यकालका लागि शपथ लिनेछन् । उनले पहिलो चार वर्षे कार्यकालको एक वर्ष नपुग्दै सन् २०१७ मा बेइजिङको भ्रमण गरेका थिए ।

चिनियाँ विदेश मन्त्रालयका प्रवक्ताले अमेरिकी पक्षको निमन्त्रणामा चिनियाँ राष्ट्रपति सी चिनफिङका विशेष प्रतिनिधि उपराष्ट्रपति हान झेङ जनवरी २० मा वासिङ्टन डीसीमा हुने ट्रम्पको उद्घाटन समारोहमा सहभागी हुने घोषणा गरेका छन् भने शुक्रबार सीले ट्रम्पसँग फोनवार्ता गरेका थिए । रासस, सिन्ह्वा

थप समाचार

गाजाबाट रिहा हुने पहिलो तीन महिला बन्धकको नाम सार्वजनिक, बिपीन…

हमासले रिहा गर्नुपर्ने ३३ जनाको सूची सार्वजनिक, विपिन जोशीको नाम…

हमासद्वारा युद्धविराम सम्झौता अन्तर्गत रिहा हुने पहिलो तीन महिला बन्धकको…

रुस र इरानबिच रणनीतिक साझेदारी सम्झौतामा हस्ताक्षर

अमेरिकामा टिकटकमाथिको प्रतिबन्ध सदर

गाजामा भएको युद्धविरामको पहिलो चरण आजदेखि लागू हुँदै