गोरखा नगरपालिका वडा नम्बर ५ को अध्यक्ष पदमा नेकपा माओवादी केन्द्रका उम्मेदवार विष्णुबहादुर मगर विजयी भएका छन् । आइतबार बेलुकी आएको मतपरिणामअनुसार माओवादीका उम्मेदवार मगरले ४८६ मत प्राप्त गरे ।
यस वडामा नेपाली कांग्रेसका उम्मेदवार भाइकाजी आलेले ४०२ मत ल्याए भने एमालेका उम्मेदवार दुर्गामाया थापा रानाले ३४५ मत प्राप्त गरिन् । रास्वपाका उम्मेदवार मंगलबहादुर थापाले भने ८२ मत ल्याए ।
यसअघि २०७९ को स्थानीय चुनावमा यहाँ एमालेका उम्मेदवार खिलबहादुर राना ४५३ मतसहित निर्वाचित भएका थिए । यसपटक माओवादीले आफ्नो नेतृत्वमा रहेका उम्मेदवारको जितसँगै उक्त पदलाई माओवादी पार्टीले आफ्नो हातमा ल्याएको छ ।
क्याटेगोरी : पालिका
थप समाचार
धेरै पढिएका
प्रतिक्रिया