टोखा । ऐतिहासिक, साँस्कृतिक र धार्मिक महत्वले सम्पन्न टोखा नगरपालिकाको तेस्रो नगर सम्मेलन पौष २७ गते हुने भएको छ । सम्मेलन बिहान ११ः३० बजे स्थानीय सद्भाव पार्टी प्यालेसमा सहभागिता भई नगर परिक्रमा गरी १२ बजे औपचारिक रूपमा उद्घाटन गरिने छ ।
टोखा नगरपालिकाका अध्यक्ष नवीन डंगोलले स्थानीय सांस्कृतिक झाँकीसहित नगर परिक्रमा गरिने जानकारी दिएका छन् । झाँकी प्रदर्शनले नगरको सांस्कृतिक पहिचान झल्काउने अपेक्षा गरिएको छ ।
११ वटा वडा रहेको यस नगरपालिकामा हुने तेस्रो नगर सम्मेलनले नगरपालिकाका लागि नयाँ नेतृत्वको चयन गर्नेछ । सम्मेलनले नगरको भावी योजना, विकास र व्यवस्थापनका लागि मार्गचित्रसमेत प्रस्तुत गर्ने सम्भावना रहेको छ ।
यो सम्मेलनले टोखा नगरको सांस्कृतिक, धार्मिक र ऐतिहासिक पहिचानलाई थप मजबुत बनाउने र नयाँ नेतृत्वले नगर विकासमा नयाँ दिशा दिने अपेक्षा गरिएको छ । सम्मेलनको प्रमुख अतिथि बागमती प्रदेशका इञ्चार्ज अग्नि सापकोटा हुने पनि अध्यक्ष नवीनले जानकारी दिए ।
क्याटेगोरी : पालिका
थप समाचार
धेरै पढिएका
प्रतिक्रिया