नवलपरासीमा ट्याक्टर दुर्घटना हुँदा एकजनाको मृत्यु, एक घाइते
समयबद्ध सम्वाददाता
2024 May 21
पश्चिम नवलपरासीको सुस्ता गाउँपालिका– ३ बिगेटस्थित भित्री सडकखण्डमा ट्याक्टर दुर्घटना हुँदा एकजनाको ज्यान गएको छ भने अर्का एक घाइते भएका छन्।
जिल्ला प्रहरी कार्यालय पश्चिम नवलपरासीका अनुसार कुडियाबाट रतनगन्जतर्फ जाँदै गरेको लु.३त २८४ नम्बरको ट्याक्टर आफैँ अनियन्त्रित भई बाटोछेउमा पल्टिएको हो।
दुर्घटनामा सुस्ता गाउँपालिका– ५ तरेनीनिवासी सुरेन्द्र कंकरको मृत्यु भएको हो। उनको पृथ्वीचन्द्र जिल्ला अस्पताल परासीमा उपचारको क्रममा मृत्यु भएको हो।
दुर्घटनामा परी सुस्ता– ४ नर्सहीनिवासी २१ वर्षीय सुकई मल्लाह घाइते भएका छन्। उनको भैरहवा मेडिकल कलेजमा उपचार भइरहेको जिल्ला प्रहरी कार्यालय नवलपरासीका सूचना अधिकारी रमेश बोहराले जानकारी दिए।
क्याटेगोरी : समाचार
थप समाचार
धेरै पढिएका
प्रतिक्रिया