पाल्पाबाट बुटवल जाँदै गरेको कार भिरबाट खस्यो, ३ जनाको मृत्यु, २ घाइते
समयबद्ध
2024 June 13
रुपन्देहीको बुटवलमा कार सडकबाट खस्दा तीन जनाको मृत्यु भएको छ।
गएराति साढे आठ बजे बुटवल-१३ नुवाकोटगढी भ्युटावर नजिकै कार दुर्घटनामा परेको जिल्ला प्रहरी कार्यालय बुटवलका डीएसपी विजयराज पण्डितले जानकारी दिए।
‘दुर्घटनामा स्याङ्जाको पुलतीबजार घर भइ बुटवल- १० बस्ने कार चालक करिब ४६ वर्षीय रामप्रसाद शर्मा, रुपन्देहीको तिलोत्तमा नगरपालिका- ३ बस्ने ५७ वर्षीय आशका श्रेष्ठ, तिलोत्तमा- ३ कै ५० वर्षकी भगवती श्रेष्ठको मृत्यु भएको हो,’ डीएसपी श्रेष्ठले केहीबेरअघि नेपालखबरसँग भने, ‘दुर्घटनामा बुटवल- ९ मिलनचोक घर भएका ५६ वर्षीया चन्दा श्रेष्ठ र बुटवल- ११ कि ४६ वर्षीया लक्ष्मीता श्रेष्ठ घाइते भएका छन्।’
घाइतेद्वयको लुम्बिनी प्रादेशिक अस्पतालमा उपचार भइरहेको उनले जानकारी दिए। उनीहरु खतरामुक्त छन्।
भ्युटावर क्षेत्र घुमेर बुटवल फर्कँदै गरेको लु २ च ८५३१ नम्बरको कार ओरालो सडकबाट भिरहुँदै करिब एकसय मिटर तल खसेर दुर्घटनामा परेको प्रहरीले जनाएको छ।
क्याटेगोरी : समाचार
थप समाचार
धेरै पढिएका
प्रतिक्रिया