Techie IT
Samayabaddha
आईतबार, २१ पुस, २०८१

मुख्यसचिवमा एकनारायण अर्याल नियुक्त


काठमाडौं । सरकारले मुख्यसचिवमा एकनारायण अर्याललाई नियुक्त गरेको छ । हिजो बसेको मन्त्रिपरिषद् बैठकले सचिव अर्याललाई मुख्यसचिव बनाउने निर्णय गरेको हो । अर्याललाई १६ गतेदेखि लागू हुने गरी मुख्यसचिवमा नियुक्त गरेको सञ्चार तथा सूचना प्रविधि मन्त्री एवम् सरकारका प्रवक्ता पृथ्वीसुब्बा गुरुङले जानकारी दिए।

मुख्यसचिवमा नियुक्त अर्याल अहिले गृह सचिव हुनुहुन्छ । उनी वरीयताक्रममा चौथो नम्बरमा थिए। अर्याल करिब १५ महिना मुख्य सचिव रहनेछन्। अहिले मुख्य सचिव रहेकी लीलादेवी गड्तौला उमेर हदका कारण आज अवकाश पाउँदैछिन् ।

नवनियुक्त मुख्यसचिव एकनारायण अर्याल २०४६ माघदेखि नायव सुब्बाबाट सरकारी सेवामा प्रवेश गरेका हुन् । उनले यसअघि विभिन्न मन्त्रालय, विभाग, जिल्ला प्रशासन र स्थानीय तहमा रहेर काम गरिसकेका छन् ।

 


क्याटेगोरी : समाचार

प्रतिक्रिया


ताजा अपडेट