इन्द्रजात्रा कार्यक्रममा प्रम ओली बसन्तपुर जाने भएपछि १३ बालेन समर्थक प्रहरी नियन्त्रणमा
काठमाडौं – इन्द्रजात्रा समारोहमा प्रधानमन्त्री केपी शर्मा ओलीको सहभागिता भएपछि १३ जना बालेन शाहका समर्थकलाई प्रहरीले नियन्त्रणमा लिएको छ। ती समर्थकले काठमाडौं महानगरपालिकाका मेयर बालेन शाहको तस्बिर अंकित टी-शर्ट लगाएका थिए। प्रहरीले नाराबाजी गर्ने सम्भावना देखेर उनीहरूलाई पक्राउ गरेको हो।
घटनाको पृष्ठभूमिमा पछिल्ला केही दिनदेखि बालेन शाह र प्रधानमन्त्री ओलीबीचको सामाजिक सञ्जाल, विशेषगरी फेसबुकमा चलिरहेको बहस रहेको छ। यो बहसले दुई नेताका समर्थकहरूबीच पनि विभाजन ल्याएको देखिन्छ। यसअघि गौरा पर्वका अवसरमा पनि प्रधानमन्त्री ओली र नेपाली कांग्रेसका पूर्वप्रधानमन्त्री शेरबहादुर देउवाविरुद्ध नाराबाजी भएको थियो।
बसन्तपुर क्षेत्रको नजिकै रहेको न्युरोडको फुटपाथ व्यवस्थापनको विषयमा पनि प्रम ओली र मेयर बालेन शाहबीच विवाद हुँदै आएको छ। बालेनले काठमाडौंका सडक तथा फुटपाथ व्यवस्थापनलाई प्राथमिकता दिँदै आएका छन् भने प्रधानमन्त्री ओलीको सरकारलाई यसबारेमा असन्तुष्टि व्यक्त गर्दै आएको छ।
प्रहरीले पक्राउ गरेका बालेन समर्थकहरूले सार्वजनिक स्थानमा विरोध प्रदर्शन गर्ने योजना बनाएको आशंका गरिएको थियो। उनीहरूलाई रोकथाम गर्ने क्रममा प्रहरीले तत्काल हस्तक्षेप गर्दै नियन्त्रणमा लिएको बताइएको छ। इन्द्रजात्रा, काठमाडौंको प्रमुख सांस्कृतिक पर्व, जहाँ हजारौं मानिस सहभागी हुन्छन्, यस्तो विवादको कारण थप संवेदनशील बनेको छ।
प्रधानमन्त्री ओलीको सुरक्षालाई ध्यानमा राख्दै प्रहरीले विशेष निगरानी राखेको छ। याे गिरफ्तारीले राजनीतिक नेतृत्व र स्थानीय निकायका प्रतिनिधिहरूबीचको तनावलाई झल्काउने घटना मानिएको छ। यो घटनाले काठमाडौंको राजनीतिमा थप तनाव र ध्रुवीकरण ल्याएको छ, विशेषगरी स्थानीय निकाय र संघीय सरकारबीचको सम्बन्धमा।
क्याटेगोरी : समाचार
थप समाचार
धेरै पढिएका
प्रतिक्रिया