लेबनानको हिजबुल्लाह समूहको गढ मानिएको क्षेत्र खाली गर्न नागरिकलाई चेतावनीपछि इजरायलको सेनाले बेरुतमा हवाई आक्रमण थालेको छ ।
हिजो मात्रै इजरायली प्रधानमन्त्री बेन्जामिन नेतन्याहूले आफ्नो निवासमा आक्रमण गरेर इरान–समर्थित हिजबुल्लाह समूहले हत्याको प्रयास गरेको आरोप लगाएका थिए । लगत्तै आक्रमणका घटना भएका हुन् ।
आज बिहान एक मस्जिद र अस्पताल नजिकै एक आवाशीय भवनलाई निशाना बनाउँदै बेरुतको दक्षिणी उपनगरमा दुई वटा आक्रमण भएको बीबीसीले जनाएको छ ।
लेबनानको स्वास्थ्य मन्त्रालयको पछिल्लो तथ्याङ्क अनुसार गएको सेप्टेम्बर अन्त्यदेखि शुरू भएको युद्धबाट लेबनानमा कम्तीमा एक हजार चार सय ५४ जनाको मृत्यु भईसकेको छ ।
क्याटेगोरी : अन्तर्राष्ट्रिय, समाचार
थप समाचार
धेरै पढिएका
प्रतिक्रिया