काठमाडौं । पालिकाका रिक्त विभिन्न ४१ पदका लागि हिजो भएको चुनावको नतिजा सार्वजनिक हुन थालेको छ । एक मेयर, एक उपमेयर, दुई अध्यक्ष, चार उपाध्यक्ष र ३३ वडाध्यक्षमा चुनाव भएकोमा एक गाउँपालिका अध्यक्ष, एक उपाध्यक्ष र धेरै वडाहरुको नतिजा आइसकेको छ । वडाहरुको नतिजामा कांग्रेस पहिलो र एमाले दोस्रो स्थानमा देखिएका छन् ।
कीर्तिपुर नगरपालिकाको मेयरका लागि भएको चुनावको मतगणना चलिरहेको छ । पछिल्लो मत परिणामअनुसार नेपाली कांग्रेसका उम्मेदवार कृष्णमान डङ्गोलले ७८९ मत प्राप्त गरेका छन् । उनलाई एमालेका सुरेन्द्र मानन्धरले ६६६ मतले पछ्याईरहेका छन् । माओवादी केन्द्रका शिवशरण महर्जनले ४६५ मत प्राप्त गरेका छन् ।
मोरङको ग्रामथान गाउँपालिकाको अध्यक्षमा माओवादी र जाजरकोटको नलगाड उपमहानगरपालिकाको उपमेयरमा माओवादीले अग्रता लिएको छ ।
क्याटेगोरी : समाचार
धेरै पढिएका
प्रतिक्रिया