पोखरा । कास्कीको घान्द्रुकमा स्कारपियो दुर्घटना हुँदा एक जनाको मृत्यु भएको छ । यस्तै ४ जना गम्भीर घाइते भएका छन् भने एक जनाको अवस्था सामान्य रहेको प्रहरीले जनाएको छ ।
गम्भीर घाइते ४ जनालाई हेलिकोप्टर मार्फत पोखराको मणिपाल शिक्षण अस्पताल ल्याइएको छ । पोखराबाट घान्द्रुक जाँदै गरेको ग१ज ६८२१ नम्बरको स्कारपियो घान्द्रुकको बतासे डाँडामा बिहीबार दुर्घटना हुँदा ६ जना घाइते भएका थिए ।
उनीहरुमध्ये घाइते एक महिलाको मृत्यु भएको हो । मृतकको पहिचान खुलेको छैन । घाइतेहरूमध्ये पोखरा बगरकी रिहाना थकाली, मुस्ताङ घर भएकी ज्योति खत्री, बागलुङकी सीमा कुमारी खत्री र नमिता खत्रीको अवस्था गम्भीर रहेको ट्राफिक प्रहरी कार्यालय कास्कीका सूचना अधिकारी शिव पाठकले जानकारी दिए । चालक गाडीबाट झरेपछि गाडी पछाडि सरेर दुर्घटना भएको बताइएको छ ।
क्याटेगोरी : समाचार
धेरै पढिएका
प्रतिक्रिया