आज धेरै ठाउँको मौसम सफा रहने

काठमाडौं । काठमाडौं उपत्यका सहित देशका धेरै ठाउँको मौसम आज मुख्यतया सफा रहने जल तथा मौसम पूर्वानुमान महाशाखाले जनाएको छ ।

महाशाखाका अनुसार देशमा पश्चिमी न्यून चापीय प्रणालीको आंशिक प्रभाव रहेकोले पहाडी भू–भागमा आंशिकदेखि साधरणतया बदली रहेको छ । यस्तै पश्चिम तराईका केही ठाउँहरूमा हुस्सु र कुहिरो लागेको छ ।

आज कोशी प्रदेशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने मौसमविद् सरोज पुडासैनीले बताए । उनका अनुसार कोशी प्रदेशका उच्च पहाडी तथा हिमाली भू–भागका एक–दुई ठाउँमा हल्का हिमपातको सम्भावना रहेको छ ।

यसैबीच गएको २४ घण्टामा विभिन्न ठाउँमा मध्यमदेखि हल्का वर्षा भएको छ । सबैभन्दा धेरै सङ्खुवासभामा १५ दशमलव २ मिलिमिटर वर्षा मापन भएको महाशाखाले जनाएको छ । काठमाण्डौ उपत्यकाका केही ठाउँमा पनि हल्का वर्षा भएको छ ।

थप समाचार

लमजुङबाट नवीकरण नभएका ११४ थान हतियार बरामद

सल्यानमा ट्याक्टर दुर्घटना, १ जनाको मृत्यु

विवादास्पद श्रीकेश आयलः सम्मानित व्यक्तित्वको दुरुपयोग र उपभोक्तामाथि ठगी

दुर्गा प्रसाईंसहित ३ जनाविरुद्द आपराधिक लाभ लिएको कसुरमा मुद्दा दर्ता

सूर्यदर्शन सहकारीको भोलि आदेश आउने सम्भावना

सिद्धबाबाको मुख्य सुरुङ खन्न अब ८ मिटर मात्रै बाँकी