काठमाडौं । जय ट्रफी एलिट कप क्रिकेटमा तेस्रो र चौथो खेल आजदेखि शुरू हुँदैछ । मधेश प्रदेश र विभागीय टोली नेपाल पुलिस क्लबबीचको खेल विरगञ्जमा र बाग्मती र विभागीय टोली त्रिभुवन आर्मी क्लबबीचको खेल जनकपुरमा हुँदैछ । यी खेल बिहान साढे ९ बजेदेखि सुरू हुँदैछन् ।
प्रतियोगितामा चार टोली छन् । यसअघि भएका दुवै खेल बराबरीमा सकिएको थियो । यसअघि त्रिभुवन आर्मी र नेपाल पुलिस तथा मधेश प्रदेश र बाग्मती प्रदेशबीच खेल भएको थियो ।
बराबरीसँगै बाग्मती १५ अङ्कसहित तालिकाको शीर्ष, मधेश १५ अङ्कसहित दोस्रो, पुलिस १५ अङ्कसहित तालिकाको तेस्रो र आर्मी १४ अङ्कसहित पुछारमा छ ।
प्रतियोगितामा प्रारम्भिक चरणका खेल दुई दिवसीय फर्म्याटमा गरिएको छ । शीर्ष दुई टोली फाइनलमा पुग्नेछन् । फाइनल खेल तीन दिवसीय फर्म्याटमा हुनेछ ।
क्याटेगोरी : खेलकुद, समाचार
थप समाचार
धेरै पढिएका
प्रतिक्रिया