विराटनगर । मोरङको सुन्दरहरैंचा–७ स्थित गोठगाउँ ठडिया पश्चिम गछिया पूर्वमा रहेको मालती पुल मुनी माओवादी सशस्त्र युद्धको समयमा राखिएका चारवटा सिलिण्डर बम नेपाली सेनाले निष्क्रिय बनाएको छ ।
मालती पुलको मुनी बम रहेको भन्ने सूचनाको आधारमा नेपाली सेनाको बम डिस्पोजल टोलीले खोजी गरेको थियो । नेपाली सेनाको टोलीले गाडिएको अवस्थामा शिलिण्डर बम फेला पारेको थियो । त्यसक्रममा सेनाको बम डिस्पोजल टोलीले बम निष्क्रिय बनाएको मोरङ प्रहरीका प्रवक्ता डिएसपी वेदप्रकाश जोशीले जानकारी दिए । बम निष्क्रिय गर्ने क्रममा ठुलो आवाजका साथ विस्फोट भएको थियो ।
बिहीबार बिहानैदेखि पूर्वपश्चिम एसिएन हाइवेको उक्त खण्डमा आवत जावत बन्द गरिएको थियो । बमको खोजी गर्न र निष्क्रिय गर्न नेपाली सेनाको टोलीलाई बिहान बिहान ८ बजेदेखि बेलुका ५ बजेसम्म लागेको थियो । त्यसक्रममा २ वटा शिलिण्डर विस्फोट भएको र २ वटा सिलिण्डर खाली रहेको भेटिएको प्रहरीले जनाएको छ ।
क्याटेगोरी : समाचार
थप समाचार
धेरै पढिएका
प्रतिक्रिया