संखुवासभा,२ माघ । संखुवासभाको सभापोखरी गाउँपालिका–६ बाह्रबिसेमा आगलागी हुँदा पाँच घर जलेर नष्ट भएको छ। बुधबार दिउँसो करिब साढे २ बजेदेखि शुरु भएको आगोले पाँच वटा घर जलेर नष्ट भएको जिल्ला प्रहरी कार्यालय संखुवासभाका प्रहरी निरिक्षक रामकुमार लामिछानेले बताए।
उनको अनुसार स्थानीय रामबहादुर राई, अमृता राई, लालसिंह लिम्बू र सुशील तामाङका दुई वटा गरी पाँच वटा घर जलेर नष्ट भएको हो। स्थानीय रामबहादुर राईको घरभित्रको अगेनाबाट आगो सल्किएको प्रहरीको भनाइ छ।
सभापोखरी गाउँपालिकाका अध्यक्ष भीमबहादुर लिम्बूले स्थानीय र प्रहरीको सहयोगमा आगो करिब दुई घण्टापछि नियन्त्रणमा आएको जानकारी दिए। आगलागिबाट कुनै मानवीय र पशुचौपायाको क्षति नभएको गाउँपालिका अध्यक्ष लिम्बूको भनाइ छ।
आगलागि भएको ठाउँ सभापोखरी गाउँपालिकाको केन्द्र बाह्रबिसे बजार नजिकै हो। अहिले सो क्षेत्रमा इन्टरनेट र टेलिफोन सम्पर्कविहिन भएको जिल्ला प्रहरी कार्यालयको भनाइ छ । प्रहरीले आगलागिको कारण र क्षतिको बारेमा अनुसन्धान गरिरहेको जनाएको छ।
क्याटेगोरी : समाचार
थप समाचार
धेरै पढिएका
प्रतिक्रिया