कल्भर्टमुनि एक पुरुषको शव फेला

उदयपुर, १५ माघ । यहाँको उदयपुरगढी गाउँपालिका–७ स्थित मदन भण्डारी राजमार्गमा पर्ने कल्भर्टमुनि एक पुरुषको शव फेला परेको छ । आज दिउँसो सोही वडाको घलेडाँडा घर भएका अन्दाजी ४३ वर्षीय नगेन्द्रबहादुर घलेको शव फेला परेको हो ।

उक्त शव फेला परेसँगै प्रहरीले अनुसन्धान सुरु गरेको जिल्ला प्रहरी कार्यालयका प्रहरी नायब उपरीक्षक राजन चापागाईंले जानकारी दिए । “घटनास्थलमा अनुसन्धानका लागि तालिमप्राप्त कुकुर पठाएका छौँ,” उनले भने ।

प्रहरीका अनुसार सोमबार साँझ नजिकैको एक पसलबाट साथीहरूसँग मदिरा सेवन गरी घले छुटेका थिए । स्थानीयले घटना शंकास्पद रहेको भन्दै शव उठाउन नदिएपछि प्रहरीले अनुसन्धानका लागि कुकुर प्रयोग गरेको जनाएको छ ।

स्थानीय होम बस्नेतका अनुसार मदन भण्डारी सडक हेरालुहरूले सफाइका क्रममा कल्भर्टमुनि शव देखेर प्रहरीलाई जानकारी दिएका थिए ।रासस

थप समाचार

जनकपुरधामसहित तराईका विभिन्न क्षेत्रहरूमा शितलहरका कारण जनजीवन प्रभावित

कतिमा हुँदैछ आज सुनको कारोबार ?

काठमाडौंको यी क्षेत्रमा पाँच घण्टा विद्युत कटौती हुने

अमेरिकाको वाशिङटन डिसीमा हेलिकप्टरसँग ठोक्किएर विमान दुर्घटना

शिक्षक सेवा आयोगमा दुई सदस्य पदका लागि ३१ जनाको आवेदन

आज तामाङ समुदायले सोनाम ल्होसार मनाउँदै