काठमाडौं, १७ माघ । कृषि विकास बैंक, कर्मचारी युनियनले आफ्ना वैंकका देशभरका कर्मचारीहरुको सहभागितामा दोश्रो फुटसल प्रतियोगिता आयोजना गरेको छ ।
तीन दिनसम्म चल्ने प्रतियोगिता बुधबारबाट शुरु भएको हो । प्रतियोगित शनिबार सम्पन्न हुने छ । बैंकको वार्षिकोत्सव र कृषि विकास बैंक कर्मचारी युनियनको तेस्रो स्थापना दिवसको अवसरमा प्रतियोगिता आयोजना गरिएको युनियनकी अध्यक्ष जानुका पौडेलले जानकारी दिइन् ।
फुटसल प्रतियोगितामा देशका सातवटै प्रदेशका पुरुषतर्फ २१ वटा र महिलातर्फ ६ वटा टिमका खेलाडीहरुको सहभागितामा रहेको छ । युनियन र व्यवस्थापन पक्षको दुईवटा टिमको समेत मैत्रीपूर्ण सहभागिता रहेको अध्यक्ष पौडेलले जानकारी दिइन् ।
त्यस्तै बैंकका प्रमुख कार्यकारी अधिकृत (सिइओ) गोबिन्द गुरुङले कृषि विकास बैंकले आफ्नो ५८ औं वार्षिकोत्सवलाई हर्ष उल्लासकासाथ मनाउँदै ‘फुटसल फर फन एण्ड फ्रेण्डसीप’ भन्ने नारासहित कर्मचारीहरुबीच भातृत्वको भावना बढाउनुकासाथै शारिरिक र मानसिक रुपमा स्वस्थ्य र चुस्त दुरुस्त राख्नका लागि फुटसल आयोजना गरेको बताए । साथै सिइओ गुरुङले आगामी दिनहरुमा पनि यस्ता कार्यक्रमको निरन्तरता दिदै जाने समेत प्रतिवद्धता जनाए ।
त्यस्तै खेल संयोजक जीवराज वमले प्रत्येक वर्ष आयोजना गर्दै आएको फुटसल प्रतियोगितालाई यस वर्ष पनि निरन्तरता दिएको जानकारी दिए । लिगको आधारमा खेलाइने खेलमा उत्कृष्ट खेलाडी, उत्कृष्ट गोल रक्षक, अनुशासित खेलाडी, धेर गोलकर्ता,र प्रतियोगिताको उत्कृष्ट खेलाडी पुरस्कारको व्यवस्था गरिएको जनाइएको छ ।
क्याटेगोरी : खेलकुद, समाचार
थप समाचार
धेरै पढिएका
प्रतिक्रिया