ताप्लेजुङको फुङलिङमा अनिश्चितकालीन निषेधाज्ञा

काठमाडौं । पाथीभरामा केबलकार बनाउने कि नबनाउने भन्ने विषयमा झडप बढ्न थालेपछि ताप्लेजुङ जिल्ला प्रशासन कार्यालयले फुङलिङ नगरपालिका बजार क्षेत्रमा निषेधाज्ञा लगाएको छ ।

हिजो भएको झडपपछि सुरक्षा अवस्था संवेदनशील बनेको भन्दै प्रमुख जिल्ला अधिकारी नेत्रप्रसाद शर्माले स्थानीय प्रशासन ऐन अनुसार निषेधाज्ञा जारी गरेका हुन् ।

आज बिहान ५ बजेदेखि अर्को आदेश नभएसम्म पाँच जनाभन्दा धेरै मानिस भेला हुन, सभा, जुलुस, प्रदर्शन वा घेराउ जस्ता कार्यक्रम गर्न निषेध गरिएको छ ।

आदेश उल्लङ्घन गर्ने वा पालनामा अवरोध गर्ने मानिस वा समूहलाई कानूनअनुसार कारबाही गर्ने प्रशासनले चेतावनी दिएको छ । निषेधाज्ञा लागू गर्न चार किल्ला पनि तोकिएको छ ।

थप समाचार

म्याग्दीको तुलसी पुन मगर दक्षिण कोरियामा झुण्डिएको अवस्थामा मृत फेला

नवलपुरमा चैते धान रोपाइँ सुरु

महाशिवरात्रि पर्वको दिन नजिकिएसँगै पशुपति क्षेत्रलाई साजसजावट गरिँदै

त्रिशुली नदीमा खसेर बेपत्ता भएका रोहित रानाको शव ९ दिनपछि…

चीनको जातीय मामिला मन्त्री काठमाडौंमा

ललितपुरको सिभिल होम्समा आगलागी