झापा, २७ फागुन । झापाको बिर्तामोडमा तरवार प्रहारबाट नेकपा एमालेको भातृ संस्था राष्ट्रिय युवा संघका केन्द्रीय सदस्य तथा झापा इन्चार्जसहित तीनजना घाइते भएका छन्।
घाइते हुनेहरूमा बिर्तामोड नगरपालिका–४ का ३७ वर्षीय खगेन्द्रराज आङदम्बे, एमालेका बिर्तामोड नगर कमिटी सदस्य ३५ वर्षका विश्वदीप राजवंशी र एमालेकै कार्यकर्ता अजय खवास रहेका छन्। घाइतेहरूको बीएण्डसी अस्पतालमा उपचार भइरहेको छ।
उनीहरुलाई बिर्तामोड नगरपालिका–४ का खगेन्द्र खालिङ राईलगायतको समूहले धारिलो हतियार प्रहार गरी कुटपिट गरी घाइते बनाएको झापा प्रहरीले जनाएको छ। उनी लिम्बुवान संगठनमा रहेको बताइएको छ।
गएराति १२ बजे बिर्तामोड नगरपालिका–४ भद्रपुर रोडमा रहेको दरबार रेस्टुरेन्ट अगाडि सोही रेस्टुरेन्टमा बसेर घर फर्किने क्रममा दुई समूहबीच झडप भएको थियो।
आपसी लेनदेनका विषयमा उनीहरूबीच विवाद भएको हुनसक्ने आशंका गरिएको छ। घटना संलग्नहरु फरार रहेकाले खोजी भइरहेको इलाका प्रहरी कार्यालय बिर्तामोडले जनाएको छ।
क्याटेगोरी : समाचार
थप समाचार
धेरै पढिएका
प्रतिक्रिया