धनुषामा गोली चल्यो, एक जना घाइते

धनुषा । धनुषाको सबैला नगरपालिका वडा नम्बर ९ भठियानमा प्रहरीले चलाएको गोली लागेर शहीद नगरपालिका वडा नम्बर १ कुम्भकरणका २० वर्षीय सन्तोषकुमार यादव घाइते हुनुभएको छ ।
सबैला नगरपालिका–९ भठिहनमा रहेको चोकको नाम राख्ने विषयमा आज झडप भएको थियो । दुई पक्षबीच भएको झडप नियन्त्रण गर्न प्रहरीले गोली चलाउनुपरेको धनुषाका प्रहरी नायब उपरीक्षक वरुणबहादुर सिंहले जानकारी दिए ।
गोली लागेर घाइते भएका यादवको जनकपुरधाममा रहेको प्रादेशिक अस्पतालमा उपचार भइरहेको छ । भठिहनमा रहेको चोकमा केहीअघि यादव चोक लेखिएको बोर्ड राखिएको थियो । त्यसपछि अरू समुदायले बोर्ड उखेलेपछि हिजोदेखि दुई समूहबीच तनाव बढेको छ ।
क्याटेगोरी : प्रदेश खबर, समाचार
प्रतिक्रिया