विराटनगर, ८ चैत । आफ्नै घरका कामदारलाई खुकुरी प्रहार गरी गम्भीर घाइते बनाउने युवक पक्राउ परेका छन् ।
विराटनगर महानगरपालिका–२ दुर्गा चोकका सक्षम सापकोटालाई प्रहरीले नेपाल–भारत सीमानजिकबाट पक्राउ गरेको हो ।
सापकोटाले आफ्नै घरमा काम गर्दै आएका विराटनगर–१ का ५७ वर्षीय रमेश गुप्तालाई बिहीबार राति घाँटीमा खुकुरी हानेर भारतको जोगबनीतर्फ भाग्न लागेका थिए । जोगबनी जानै लाग्दा उनी पक्राउ परेको जिल्ला प्रहरी कार्यालय मोरङले जनाएको छ ।
घाइते गुप्ताको चिन्ताजनक अवस्थामा नोबेल अस्पताल विराटनगरमा उपचार भइरहेको छ । सापकोटा लागुऔषध प्रयोगकर्ता भएको खुल्न आएको छ ।
के विवाद वा झगडाका कारण खुकुरी प्रहार गरिएको हो भन्ने अनुसन्धान थालिएको प्रहरीले जनाएको छ । भान्सा कोठामा लुकेर बसेका सापकोटा प्रहरी पुग्नसाथ भागेका थिए ।
क्याटेगोरी : समाचार
थप समाचार
धेरै पढिएका
प्रतिक्रिया