मकवानपुरको लोथर बजारमा बस र जिप ठोक्किँदा चालकको मृत्यु

मकवानपुर, १५ चैत । मकवानपुरको मनहरी गाउँपालिका–६, लोथर बजारस्थित पूर्व–पश्चिम राजमार्गमा सवारी दुर्घटना हुँदा एकजनाको मृत्यु भएको छ ।

शुक्रबार (चैत १५) बिहान चितवनबाट हेटौँडातर्फ आउँदै गरेको बा प्र ०३–००६ ख ५६८१ नम्बरको बस र मनहरीबाट चितवनतर्फ जाँदै गरेको बा प्र ०३–००१च ३०१२ नम्बरको जिप एकापसमा ठोक्किएको हो । दुर्घटनामा जीपका चालक ३२ वर्षीय सन्देश कोइरालाको मृत्यु भएको प्रहरी निरीक्षक ठाकुरप्रसाद सापकोटाले जानकारी दिए ।

मकवानपुरको राक्सिराङ गाउँपालिका–४ का चालक कोइरालाको टाउको, खुट्टा तथा शरीरका विभिन्न भागमा गम्भीर चोट लागेको थियो । चितवनको भरतपुरस्थित नयाँ मेडिकल कलेजमा उपचारका क्रममा उनको मृत्यु भएको हो ।

बसका चालकलाई प्रहरीले नियन्त्रणमा लिएको छ । रासस

थप समाचार

जङ्गली हात्तीको आक्रमणबाट झापामा मात्रै ६४ जनाको मृत्यु

आजको मौसम : यी दुई प्रदेशमा मेघगर्जनसहित वर्षाको सम्भावना

वरिष्ठ पत्रकार कमल कोइरालाको निधन

मुस्लिम समुदायले ईद पर्व मनाउँदै, आज सार्वजनिक बिदा

तीनकुनेमा राजावादीहरुबाट लुटिएको बन्दुक अझै फेला परेन

तीनकुने घटनामा ज्यान गुमाएका पत्रकार सुरेश रजकको परिवारलाई एक लाख…